lunes, 3 de julio de 2017

REGAL LEDO, Manuel




ÓLESME A DEUS

(moza)
Todo me ole a ti,
meu amor.

A miña roupa 
óleme a ti.

O meu corazón
óleme a ti.

A miña vida 
óleme a ti.

Todo me ole a ti,
meu amor.
E ti,
ti ólesme a Deus.


ATEO
Señor, meu Señor,
¿de onde me vén
esta chamada fonda
a ser ateo,
a librarme de ti
e facer de ateo?
¿De ti mesmo, Señor?

¿Onde pousarei
esta ansia confusa
de ser eu mesmo,
en libertade e alegría?
¿En ti mesmo, Señor?
¿A onde me levará
este empuxe
sospeitoso, desacougante?
¿A ti mesmo , Señor?

De: Chorimas