sábado, 11 de febrero de 2017

CALVO VIDAL, José Luis





Nado no 1973 en Oviedo, estuda Filoloxía Hispánica na cidade de  Lugo, onde creou e dirixiu a Revista Cultural do Campus,   Evohé .


PAXAROS /DENDE O MONTE SEGADE

                                                                1.
Galopan os paxaros a ollada.
O bruído das súas ás feren
o silencio do bosque.Están preto
da escuridade e mergullan os seus corpos
en invisíbeis ríos aéreos.
Co seu maxentoso canto
alónganse sen cesar.
                                                               2.
Sobre as vizosas fragas do soño
aínda escoito o seu canto.


NOITE- Oº

                                                                            Para María José, por suposto
Esta noite 
o frío porá
música nos nosos dentes.

Fará falla lume:
leña do teu corpo
                          ludida ao meu



LUGO DORME

Ante os meus pasos
Lugo dorme.

(A néboa
xa prolongou o seu velo
máis alá
do lique de pedra.)

No confín da noite
non podo resistir
a perfección do seu silencio.


De: Definitivo Territorio